1

६ ऑगस्ट १९९४ ! राजधानी दिल्ली राष्ट्रपती भवनातील अशोक हॉल निमंत्रितांच्या उपस्थितीने खचाखच भरला होता . भारत सरकारच्या वनमन्त्रालयाने आयोजित केलेल्या विशेष सोहळ्यासाठी मान्यवरांची तेथे हजेरी होती. त्यामध्ये लोकसभचे सभापती, अनेक केंद्रीय मंत्री ,खासदार, नेते मंडळी, वरिष्ट अधिकारी आदी मान्यवरांचा समावेश होता . वन व्रुधीचे उल्लेखनीय कार्य करणाऱ्या व्यक्ती,संस्था,यांना राष्ट्रपतींच्या हस्ते आज पुरस्कार देऊन सन्मानित करण्यात येणार  होते. इंदिरा गांधी पर्यावरण पुरस्कार,इंदिरा प्रियदर्शिनी वृक्षमित्र पुरस्कार, प्रदूषण नियंत्रण राष्ट्रीय पुरस्कार असे हे तीन पुरस्कार होते. त्यासाठी भारताच्या कानाकोपरातून निवडण्यात आलेल्या व्यक्ती आणि सेवाभावी संस्थाचा एकून आकडा सोळा होता. इंदिरा प्रियदर्शिनी वृक्षमित्र पुरस्कारासाठी व्यक्तिगत श्रेणीत निवड झालेले भारतातील धो. म. मोहिते हे एकमेव कार्यकर्ते होते. सन्मानपत्र, स्मृतिचिन्ह, आणि ५० हजार रुपये असे या  पुरस्काराचे स्वरूप होते.